نبدا بسم الله ونقطع نصف صدر دجاج بالطول ونحطو فالصحن ثم نتبلو بالملح وزنجبيل وتوابل الدجاج وم ص هريسة وم ك زيت وموص موطارد وعصرة ليمون ونخلط الكل مليح مع الدجاج ونغطيها بورق شفاف ونخليها ترتاح

نرجع نحضر البطاطا تاعي بعد ماقصيتها دوائر وحطيتها طابت نمعسها بالشوكة ونحط عليها ملح وفلفل اسود وم ص راس الحانوت وم ص هريسةوسنات ثوم ومعدنوس مقطع ونحط عليها جبن طري وجبة بيض ونخلط الكل مليح ثم نجيب مول يدخل الفرن ندهنو بالزيت ونهز البطاطا بالملعقة ثم نسويها كيما فالصورة ثم نحط في كل حفرة بطاطا قطعة جبن مثلثات

بعد ذلك نرجع نطيب الدجاج تاعي ونجيب مقلاة نحط نفرغ فيها الدجاج ونقص النار ونخليه يطيب مليح حتى يتحمر نطفي عليه النار

نرجع المول تاعي ونفرغ الدجاج بالتساوي فوق حبات الجبن فوق نحط جبن مبشور وندخلها الفرن

فالاخير نخرج قراتان الشاورما ونقدمو مع شربة او حساء خضار جاء بزاااااف بنين