نبدا بسم الله ونحضر عجينة الصابلي نحط في جفنة الزبدة ونحط السكر الناعم وبيضة كاملة وصفاربيضة وم ك فانيلا ونخلط مليح ثم نضيف كاس الكاكاو ونخلط ونضيف النساء وم ص خميرة الحلوى ونبدا نلم بالفرينة حتى نتحصل على عجينة متماسكة نخليها ترتاح

نحب العجينة تاعي الى كيس بلاستيك ونجيب مول شكل دمعة ونطبع العجينة حتى تكملها ونحطها فوق ورق الطهي في سينية وندخلها الفرن يطيب

بعد ذلك تذوب شكولا بالحليب على حمام مائي ونجيب مول شفاف خاص بالريشة ونعملك فيه الشكولا ونحطها فالمجمد حتى نكمل كامل الحبات

رائعة نحضر الكريمة نحط 125غ زبدة مع نصف كاس سكر ناعم ونخلط مليح ثم نضيف 2م ك شكولا الطلي ونواصل الخلط حتى نتحصل على كريمة ثقيلة

نجيب كيس حلواني نحط فيه الكريمة ونبدا نلصق الحبات تاعي نحط فالحوانب كمية مليحة من الكريمة وفالوسطةثم كمية من الكبريس ذوق شكولا ذايبة حتى نكمل كامل الحبات كما فالصورة ونخليه الكريمة تجمد

بعد ذلك تذوب شكولا على حمام مائي ونعرف حبات الصابلي ونحطهم على ورق طهي ونغلق بالاربعة حبات ونرش شوي كاكاو على كل حبة ونخليها تنشف

فالاخير نلصق بكمية من الشكولا ونحط الريشة بعد ماكنت زينتها بالملون السائل الذهبي

فالاخير نحط حبات القاطو فالكيسات جاء بزاف هايل وبرستيج