نبدا بسم الله ونحضر عجينة الصابلي نجيب جفنة نحط فيها الزبدة والزيت وونضيف حبة بيض وصفار بيضة ونخلط مليح ثم نحط البسكوي تاعي ونخلط ونضيف 2م ك كاكاو اسود ونخلطو الكل مليح

نبدا نضيف النشاء ونخلط ثم الفرينة وم ص خميرة الحلوى ونلم مليح حتى نتحصل على عجينة متماسكة

بعد ذلك نجيب صحن ونحط فيها كاس كاوكاو ومحمص ومرحي وكاس بسكوي ماكسون وكاس بسكوي ماكو وكاسين قوفريط وم ك كاكاو بني ونخلط بعد ذلك نبدا نحب العجينة على ورق شفاف ونطبع بطابع مثلث

نجيب سينية فرن ونحط فيها الصابلي تاعي وندخلو الفرن يطيب من تحت

بعد ذلك نجيب الترونسفار الخاص بالمثلث ونذوب شكولا ونعمرو ونحطو فالمجمد ونخرجو ونحتفظ بيه حتى نخدم بيهم ثم نرجع للحشو ونلمو بشيكولا الطلي

نجيب ورق طهي ونرش عليه سكر ناعم ونحب الحشو تاعي ونطلعو بنفس الطابع

نطبع الحشو تاعي مثلثات حتى نكمل كامل الكمية ونجيب اي مول صغير نثقب بيه ثم نجيب حبة صابلي نطليها بمعجون المشمش ونعمر هذيك الثقة بملعقة صغيرة بكرانش البندق ثم نحط حبة اخرى تاع صابلي مطلية بالمعجون

نكمل كامل الحبات ونذوب شكولا بالحليب على. حمام مائي ونغلق كل الحبات بالشكولا وكي تبدا تجف نلصق حبة ترنسفار مثلث ونخليها تجف

فالاخيرشكل البيراميد كرانشي جاء هايل الوصفة من قناة سارة حناش