نبدا بسم الله ونحضر العجينة في صحن نحط 2كاس فرينة مع 125غ زبدة ونخلط مليح ثم نضيف حبة بيض ورشة ملح ونلم العجينة تاعي

بعد ذلك نجيب نصف صدر دجاج نطيبو في ماء وملح ورشة فلفل اسود حتى يطيب ونحيه نفتو ونقطع زيتون اخضر الى شرائح

بعد ذلك نطيب كريمة الجبن نحط كاس حليب مع م ك نشاء ونخلط ورشة ملح ورشة فلفل اسود وم ص زبدة ونخلطها مليح حتى تثقال ونضيف كمية مليحة من الجبن ونخلط ونطفي عليها النار

بعد ذلك نرجع العجينة تاعي ونحلها بالحلال ونجيب مول تارتولات ونبدا نعمر فيهم ونثقبهم ونحطها فالمجمد مدة ساعة ثم نخرجهم ونبدا نعمر فيهم نحط لحم دجاج مفتت ثم زيتون فالاخير كمية من كريمة الجبن حتى نكمل كامل الحبات ونشعلو الفرن ونحطها يطيبو من تحت

فالاخير نشعللهم من فوق يتحمرو ةنقدمهم جاو بزااااا خفاف وبنان