نبدا بسم الله ونحضر الصابلي نجيب جفنة نحط فيها الزبدة وصفار بيضة وبيضة كاملة ونخلط ونضيف نصف كاس عسل وم ك فانيلا ونخلط بالخلاط الكهربائي مليح ثم نضيف نصف علبة فلان فراولة لتغيير لون العجينة نخلط مليح

نبدا نضيف فالفرينة وم ص خميرة الحلوى ونخلط مليح حتى نتحصل على عجينة حرية نوعا ما نجيب طابع الوردة ونطبع العجينة على ورق بلاستيكي حتى نكمل كامل العجينة ونحطها فالسينيات

ندخل الصابلي يطيب ونبدا نحضر كريمة الزبدة والسكر الناعم ونخلط مليح ونضيف نصف علبة فلان فراولة ونخلط حتى نتحصل على لون وردي ونحطها في كيس بلاستيك ونخرج الحبات تاع الصابلي ونخليها تبرد ثم نبدا نلصق حبات الصابلي

في هذه الاثناء نحط الشكولا تاعي تذوب انا حبيت نغير اللون ونحط نذوب شكولا بيضاء ونضيفلها قطع من الشكولا بالحليب لتغيير اللون حتى نتحصل عاللون لي فالصورة نبدا نغلف حبات الصابلي تاعي ونخليه يجف تماما

بعد ذلك نجيب مول الوردة ونحط فيه الشكولا ونحطها تجمد ثم نخرجها ونجيب ملمع سائل ذهبي نرشو على حبات الصابلي ونلصق الوردات بعد مازينتهم من الحواش بالملمع الذهبي ونحط حبات الصابلي في الكيسات

الشكل النهائي لصابلي الوردة جاء بزاف هيشيش