لتحضير العجينة درت كامل المكونات مع بعضهم خدمتهم مليح حتى تحصلت على كريمة

بديت نضيف فالفرينة مع رشة الخميرة حتر تحصلت على عجينة تكون متماسكة على عجينة الصابلي

ملعقة الحليب لي زدتها تساعد باش ميتكسروش السيغار كي نكونو نشكلو فيهم

حليت العجينة و بسمك رقيق شوية و شكلتها على المول و دخلتهم يطيبو على درجة حرارة متوسطة غير ياخدو لون ذهبي خفيف نحيوهم و نخليوهم يبردو

من جهة أخرى كنت حضرت الحشو خلطت المكونات كامل و قعدت نزيد فالمعجون و العسل حتى تحصلت على قوام يكون طري بزااف باش يمشي فلابوش

عمرت كامل ليسيغار و خليتهم بجهة

من جهة ذوبت شكولا بالحليب زدتلهت زيت و غلاصيت الحبات و خليتهم ينشفو

بعد ما نشفت الحلوى جبت بانسو دهنت الأطراف بالشكولا و رمدتهم فجوز الهند و كاوكاو محمص و مرحي

درت خطوط الشكولاطة و حطيت عقاش و حبيبات الشكولاطة للتزيين