نحط المرغرين و السكر و لافاني و نطلعهم مليح نزيدلهم صفار البيضو نخلط

من بعد زدت شوكولا لي كنت ذوبتها و بردت شوية و نزيد نخلط و من بعد زدت الكاكاو و المايزينة و خلطت جيدا

زدت الفرينة مع خميرة الحلوىحتى تحصلت على عجينة طرية و خليتها ترتاح ربع ساعة

بعد ما رتاحت العجينة حليتها و طبعتها بطابع الريشة و دخلتها تطيب غير تنشف برك كيما نعرفو صابلي الكاماو بالخف ينشف

من جهم درت كريمة الزبدة
حطيت المرغرين و السكر و لافاني و طلعتهم مليح و من بعد زدت شكولاطة الطلي و زدت خلطت مليح

لسقتا حبات الحلوى و حطيتهم يبردو شوية

ذوبت الشوكولا و زدتلها شوية زيت و غلاصيت الحلوى و قبل ما تنشف مليح حطيتلها هديك الريشة و خليتها تنشف ملييح