نبدا أولا بتقطيع نصف صدر دجاج الى قطع صغيرة ونحط عليه الملح والفلفل الاسود والزنجبيل والتوابل ونحط عليه نصف حبة بصل مسكرفجة وسنات ثوم مرحيين ونخلطهم مليح ونغطيهم ونخليهم حوالي ساعة ثم نرجع نجيب مقلاة نحط بيها زيت ونحط الدجاج تاعي

ثانيا نوجد البطاطا تاعي ونقطعها مربعات ونبقا نقلب بالدجاج تاعي ثم نضيف م ك فرينة نخلط مليح فيه ونبدا نضيف فالحليب تدريجيا

نضيف الحليب وقطعة الجبن الطري ونخلط مليح حتى يثقال الخليط تاعي ونطفي عليه النار ونرجع نقلي البطاطا ثم نجيب مول يدخل الفرن ندهنو بشويا زيت او زبدة ونفرغ كمية من البطاطا فالاول

ثم نفرغ كمية من اللحم فوق البطاطا ونسويها مليح ونضيف جبن مبشور من فوق انا البطاطا والدجاجة حضرولي2 مول وندخل القرارات الفرن يطيب ويتحمرلي الجبن ويذوب انا نوعية الجبن لي عندي مش مليحة بيبس فقط مايذوبش

الشكل النهائي القراتان تاعي جاء خفيف ولذيذ قدمتو في صحن التقديم