نبدا بسم الله ونقطع الدجاج تاعي الى قطع صغيرة ثم نرحيه فالاشوار ونفرغو في صحن نحط عليه نصف حبة بصل وملح وزنجبيل وكاري الدجاج وفلفل اسود ونصف حبة بيض ونخلط مليح ثم نضيف م ك شابلير

نخلط الدجاج مليح ثم نجيب مقلاة نحط فيها م ك زيت ونحط نصف راس بصلة مرحية ونقليها مليح ثم نضيف عليها 2حبات طماطم مرحية ونحط ملح وفلفل اسود ونضيف م ك طماطم مصبرة ونخليها تتقلى مليح ثم نضيفلها كاس ونصف نصف ماء ونخليها تغلي

نرجع نجيب مقلاة اخرى ونحط فيها زيت ونقلي كرات الدجاج تاعي حتى يتحمرو من كل الجوانب ونرجع نقطع حبة بطاطا

نرجع بعد ذلك الى صلصة الطماطم بعد ماغلات ونحط فيها كرات الدجاج تكمل طياب حتى تثقال ونرجع نجيب مقلاة اخرى نقلي فيها البطاطا حتى نكمل ونحطها في صحن

بعد ماكملت نحط البطاطا المقلية على كرات الدجاج والصلصة ونقصلها النار ونخليها ثم نفقص 3حبات بيض في كل جهة ونحط جبن طري قطع او مبشور ونغطي ونخلي البيض يطيب

فالاخير نطفي النار غالطبق تاعي ونقدمو في صحن التقديم ونزينو لمعدنوس مقطع جاء بزاااااف بنين