نبدا بسم الله ونقطع الدجاج تاعي بالطول ونحطو في صحن ثم نقص البصل شرائح ونضيف عالدجاج ونحط م ص ملح والتوابل المذكورة فالمقادير ثم نحط م ك خل وربع كاس زيت وسنة ثوم مرحية نخلط مليح ونغطيه لورق شفاف وندخلو الثلاجة مدة 2سا

نرجع نحط 4 حبات بطاط ا نغليها فالماء وم ص ملح حتى تطيب مليح ونقشرها ونحطها في صحن ونرحيها مليح بالشوكة او الباتور انا استعملت الشوكة فقط ونضيفلها رشة فلفل اسود وم ك زبدة ونمعسها مليح ونحط عليها حبات جبن طري نخلطها مليح

نرجع لصدر الدجاج بعد ماارتاح 2سا نخرج. من الثلاجة ونجيب مقلاة نحط فيها م ص زيت ونحطها عالنار ونفرغ خليط الدجاج فالمقلاة ونخليها تطيب

بعد ماشربت هذيك السوائل نقلبها ونضيفلها كاس ماء ساخن ونخليها تطيب ونقص ربع كاس

بعد ذلك نخليها تكمل طيبها ومانقلبوهاش حتى تتحمر من تحت ونقلبوها تتحمر من الوجه الاخر ثم نضيف ربع كاس لي خليتو من قبل ونطفي عليها النار ونجيب مول يدخل الفرن ندهنو بالزبدة مليح ونفرغ خليط البطاطا بييري ثم نحط فوق كمية من صلصة الطماطم اختيارية (تقدري تحذفي الصلصة)

بعد ذلك نفرغ الشاورما تاعي بعد ماطابت على خليط الصلصة والبطاطا ونسويه عالوجه كامل ونضيف جبن مبشور انا ماكانش متوفر عندي حبيتها هكاك وندخلها الفرن لي كون سخنتو من قبل مانشعللها من تحت ثم نشعل لها من فوق ونخرجها ونقدمها كوجبة هايلة وبنينة بزاف

الشكل النهائي الطبق تاعي جات بزاف هايلة وهك نحضر الشاورما فالبيت هيا والبطاطا بيري بلا ما نشربهم من المطاعم