جلاش سريع بالجبن
وصفه عشاء سريع في ١٠ دقائق فقط سهل ولذيذ
إفتح في تطبيق كوكبادالخطوات
- 1
هقولك طريقة ولا أسهل هتجيبي لفة الجلاش سليمه زي ماهي هتقطعيها نصفين بالشكل ده
- 2
هتجيبي الصينية تدهنيها سمن كويس وتقطعي نصف الجلاش شرايح وهو ملفوف زي ماهو بالشكل ده
- 3
هتحطي الجزء اللي قطعتيه في الصينية وتقلبيه بمعلقة سمن وتحطي الحشوة بتاعتك كده، أنا هنا عملتها بشرايح رومي مدخن
- 4
هتقطعي النصف التاني لشرايح برضو وتفرديه فوق الحشوة بمنتهي السهوله وعليه ملعقة سمن
- 5
في بوله هتضربي البيضه مع رشة ملح وفلفل اسود مع اللبن والزبادي ومعلقة سمن كمان وتحطي الخليط فوق وجه الصينية وترشي شوية موتزاريلا وعلى الوجه كمان رشة سمسم وحبة البركه
- 6
وتدخل الفرن على درجة حرارة ١٨٠ لما تتحمر فوق وتحت بالشكل ده
- 7
تخرج من الفرن ريحتها تحفه وجواها طري زي الفطير ومقرمشه من بره وعمرها ما تلزق في الصينية طالما مدهونة كويس
- 8
وتتقدم في طبق التقديم وبألف هنا على قلوبكم
كلمات ذات صلة
وصفات مشابهة
وصفات ننصحك بمشاهدتها
التعليقات