نبدا بسم الله ونجيب ريسبسيون نحط فيها حبة بيض وعلبة ياؤورت طبيعي ونفس العلبة نضيفها زيت و4علب ماء دافئ ونخلط مليح ثم نضيف م ك خميرة الخبز وم ك عسل ونخلط مليح

نبدا باضافة الفرينة مع م ك ملح ونخلط ونبقا نضيف فالفرينة حتى تتلم العجينة نغطيها ونخليها تختمر ونرجع نجيب مقلاة لتحضيره الحشو نقطع البصلة الى مربعات صغيرة ونحط في مقلاة م ك زيت ونحطها عالنار ونحطوالبصل المقطع

يتحل مليح ثم نضيف عليه م ك طماطم مصبرة ثم نضيف حبة طماطم مرحية ونخلي الكل يطيب مليح ثم نضيف كمية من الزيتون الاخضر مقطع رقيق ونخلي الحشو ينشف ونطفي عليه النار بعد ماطلعت العجينة نهبطلها الخمور تاعها ونرجع نشكلها

بعد ذلك مشكل العجينة الى كرات ونغطيها ونرجع اطاولة العمل ونرشها بالفرينة ونبدا نحل الكرة الاولى كيما فالصورة بالطول ونجيب جريورة ونقص شرائح ثم نحط كمية من الحشو فالاعلى ونحط قطعة جبن ونغلق مليح

نغلق مليح عالحشو تاعي ونفتح هذوك الخطوط ونبدا نلوي كما فالصورة ونجيب سينية فرن نحط فيها ورق طهي ونبدا نستف الحبات تاعي كما فالصورة او نقدر نشكل كل حبة وحدة حتى نكمل كامل العجينة ثم نجيب حبة بيض وندهن الحبات تاعي ونشعل الفرن يسخن مليح وندخل السينية تطيب

بعد ماطابتلي المملحة من تحت نشعللها من فوق تتحمر ونخرجها ونغطيها بمنديل ثم نقطع الحبات من بعض ونقدمهم في صحن التقديم

فالاخير تحصلت على مملحة خفيفة وبنينة بزااااف نتقدم مع اي حساء خضار الوصفة جربتها من قناة مطبخ وتدابير شهرزاد