الفسيخ
طبعاً مصر اكتر بلد مشهورة بيه جِداً عن جِد
جربوه ومش هتندموا ♥️
إفتح في تطبيق كوكبادالخطوات
- 1
اول حاجه بنغسل خياشيم سمكة البوري كويس جداً بالماء الجاريه وبعدين نحط الكمية في مصفاة بس بنوقفهم جنب بعض رؤوسهم لتحت علشان يصفي الماء لمده ٣ ساعات وبعدين نجيب مناديل المطبخ وننشف تاني الخياشيم مش عايزين أي نقطة ماء في السمكه خالص لحد ما يبقي كدخ
- 2
في طبق نخلط الملح بالكركم بالشطه الخشنه
- 3
نمسك كل سمكه نحشي من خلطة الملح دي الخياشيم من الجانبين للسمكه بالمنظر ده لحد ما نخلص كل الكمية
- 4
وفي كيسه كبيره نضيفه بنحط في القاع معلقتين كبار من الخلطه دي ونرص السمك كل سمكه عكس التانيه بحيث يبقى في القاع سمكتين عكس بعض وفوقهم هكذا لحد مايبقي شكل هرمي وبين كل طبقة سمك وسمك رشة من الخليط الملح لحد مانخلص الكميه
- 5
ونخرج الهوا من الكيسه كويس ونلفهم ونحط الكيسه جوه كيسه ونلفها زي الاول ونكرر الخطوة دي في ٥ اكياس مثلا لحد مالريحه تختفي تماما مع مراعاه طبعاً نخرج الهوا من كل كيسه ونحط تحتها اي صينية ونسبها ١٠ ايام لو البوري كبير لو صغير او وسط اسبوع كفايه اوي وبالهنا والشفا ♥️♥️
الكوكسناب
من الأكثر بحثًا في
كلمات ذات صلة
وصفات مشابهة
وصفات ننصحك بمشاهدتها
التعليقات (2)