نبدل بسم الله ونحضر العجينة نجيب ريسبسيون نحط فيه كاس حليب دافئ مع حبة بيض وم ك خميرة الخبز ونخلط مليح ثم نضيف 3م ك زيت ونبدا نضيف فالفرينة وم ص ملح حتى تتلم ونتحصل على عجينة حرية نوعا ما

نغطي العجينة ونخليها تختمر ونحضر الحشو تاعي في مقلاة نحط م ك زيت ونحطها عالنار ونحط نصف صدر دجاج مقطع ونضيف عليه الملح وم ك موطارد وم ص فلفل اسود وزنجبيل وتوابل الدجاج ونخلط الكل ونخليه يطيب فالمقلاة

بعد مايطيب الحشو نفرغو في صحن ونقلي البطاطا ونحتفظ بالحشو على جنب

نرجع لعجينة بعد مااختمرت نكسرلهت الخمور ونشكلها كرات ثم نبدا نفاصوني فيهم كيما فالصورة ونحطهم على ورق طهي يختمرو

نرجع نحضر باقي الحشو نقص طماطم شرائح وزيتون اخضر وزيتون اسود

نرجع العجينة بعد مااختمر السندويتشات نحطهم بالواحد على طاولة العمل ونحلها بالحلال بالعرض ونرجعو نحطوهم فالسينة جددا وقبل مايرجعو يختمرو نجيب كرام فراش ندهن بيها الحبات ونبرش عليهم جبن مبشور

نزين الحبات بالزيتون والطماطم وندخلهم الفرن مسخن مسبقا يطيبو من تحت ثم نشعل لهم من فوق يتحمرو ونخرجوهم ونخلوهم يبردو تماما ونجيب سكين منشاري ونقصوهم تماما ثم نجيب مايونيز وندهن بيها الحبات فالاول

بعد ماحطيت المايونيز نحط سلطة خضرا ثم البطاطا المقلية ثم كمية من الدجاج المقلي ونغلق السندويتشات تاعي

فالاخير شكل السندويتشات جاو خفاف بزااااف وهايلي