نبدا بسم الله ونجيب جفنة نحط فيها الزبدة والسكر ونخلط ثم نضيف 2صفار وحبة بيض كاملة ونخلط مليح ونضيف الفانيليا والنشاء ونواصل الخلط ونبدا نضيف فالفرينة

بعد ماضفت الفرينة نضيف كمية قليلة من الكاكاو المرحي الى العجينة ونلمها ونخليها ترتاح ومن بعد نجيب لي مول شكل لوزة ونبدا مشكل فالعجينة داخلهم وننزع العجينة الزايدة حتى نكمل كامل كمية العجينة ونحطها في سينية فرن ثم نجيب صحن نحط فيه كمية الكاكاو لي رحيت ضفتلو علبة سمية صغيرة ونفتتها مليح

نلم الحشو بمعجون المشمش وندخل حبات القاطو الفرن يطيبو ثم نخرجهم وننزعهم من لي مول تاع الحديد ونخليهم يبردو تماما ونبدا نعمر فالخشو تاعي ونحضر في صحن آخر علبة مرحية من بان دوبيس ونبدا نعمر المول بحشو الكاكاو

انا قسما العجينة الى نوعين من لي مول مول حوزة ومول مربع ثم نجيب كابريس مذابة ذوق طوفيا ونعمر الحبات يعني حبة نعمرها حشو والحبة لي نغلق بيها نعمرها كابريس ونغلق مليح حتى نكمل كامل الكمية ثم نجيب معجون المشمش وبانسو وندهن الحبات من الجوانب ومن الفوق ونرمدها في خبز التوابل مليح حتى نكمل

أخيرا نزين حبات القاطو بكرز مجفف وورق ذهب ونحطها في كيسات ونقدمها كنوع من حلويات عيد الاضحى