بسم الله نبدا ونحضر السيرو نجيب كسرونة نحط فيها نصف كاس سكر مع ربع كاس ماء ونخلط بالملعقة ثم نحط. على نار متوسطة حتى يبدا يغلي ويعملي فقاعات كبار ونحط صحن صغير حذايا نهز م ص من السيرة ونحطها فالماء البارد اذا لقيتها تكتلت كيما فالصورة نطفي عليه النار

نرجع لصفار البيض ونحطو في صحن ونضيف عليه م ك فانيلا ونخلط بالباتور ثم نبدا نضيف السيرو تاعي على شكل خيط ونبقا نخلط حتى يبياض الخليط

بعد مابياض الخليط وبرد نبدا نضيف 180غ تدريجيا ونخفق حتى نتحصل على كريمة ملساء ونحتفظ بيها فالثلاجة

نرجع لبياض البيض نحط عليه رشة ملح ونخفق قليلا ثم نبدا نضيف في كاس السكر تدريجيا ونواصل الخفق حتى نكمل الكاس و2م ك سكر حتى يصبح كالميرانغ ونحضر 2 كاس كاوكاو محمص ومرحي مع كاس فرينة

نضيف الفرينة والكاوكاو تدريجيا علىبياض البيض ونخلط من فوق للتحت حتى نكنل كامل الكمية ثم نجيب سينية فرن نحط عليها ورق طهي ونفرغ الخليط تاع الكاستال

نسوي الخليط مليح بالسباتيلا ونكون شعلت الفرن مسبقا ونحط الخليط يطيب حتى يطيب من تحت نشعلو من فوق ينشف ونخرجو ونخليه يبرد ونقص الاطراف بالسكين ثم نقسمو على 2قطع متساوىة ونخرج الكريمة نطلي الجزء الاول بكمية مليحة ونسويه ونحط الطبقة الثانية

نطلي باقي الكريمة عالقطعة الفوقانية مليح ونسويها جيدا وندخلها الثلاجة مدة نصف ساعة حتى تتماسك الزبدة ونجيب الحواش لي قصيتها نقطعها صغيرة ونحطها من فوق ثم نجيب سكر ناعم ونرشو من فوق ونقطعو الى مربعات او مستطيلات

فالاخير نقطع الكاستال تاعي الى قطع ونحطو في كيسات