نبدا أولا نماريني الدجاج تاعي ونحط علبة ياؤورت وم ك موطارد وملح وزنجبيل وفلف اسود وم ك خل وعكري حلو وم ص طماطم مع م ك زيت ونخلط مليح ونحط قطع الدجاج ونخلط مليح ونغطيها بورق شفاف و نخليها مدة ساعتين او اكثر

بعد مافاتت الساعتين نجيب طنجرة ضغط نحط فيها م ك زبدة وم ك زيت ونحطها عالنار ونحط قطع الدجاج ونبقا نقلي

بعد ماتقلى الدجاج وتغير لونه نجيب كاس ماء نضيفلو على هذاك الماريناد ونحطو فوق الدجاج ونغلق الطنجرة

بعد ماطاب الدجاج نفتح الطنجرة ونحب قطع الدجاج والصلصة ثم نرجع قطع الدجاج الطنجرة الضغط ونرشو بكمية قليلة من المرق ونخليه يتحمر من كل الجوانب ونحتفظ بباقي المرق ثم نجيب مول زجاجي يدخل الفرن ونحط قطع الدجاج فيه ونصب كمية من المرق وندخلو الفرن يتحمر من فوق

نخرج الدجاج تاعي بعد ما تحمر مليح ونجيب صحن التقديم نحط فيه البطاطا بيري لي كنت حضرتها قبل

فالاخير نحط البطاطا بيري على جنب ونحط الدجاج المحمر فالنصف ثم كمية من الأرز اختياري ونشكل حفر بالملعقة فالبيري ونفرغ كمية من المرق المتبقية وكمية فوق الأرز