نبدا بسم الله ومرحي الكاوكاو بعد ماحمصتو ونحط عليه كاس الاربع جلجلان محمص ومرحي ونصف كاس سكر وكاس الاربع فرينة وم ص خميرة الحلوى و100غ زبدة وفنجان عسل ونخلط المكونات مليح حتى تبدا تتلم

نجيب البيض ونضيف2صغار وجبة بيض ونخلط مليح ونحتفظ بيه مدة نصف ساعة يرتاح بعد مارتاحتلي العجينة نجيب ورق بلاستيك نحل العجينة تاعي ونطبعها بطابع مثلث حتى نكنل كامل الكمية

نجيب سينية فرن نرشها بالفرينة ونشوف فيها حبات القاطو ثم نجيب صحن نحط فيه الجلجلانية البيضاء وصحن اخر فيه بياض بيضتين ونجيب بانسو وندهن حبة الحلوى بالبياض ونحطها فالجلجلام ونرمدها من كل الجوانب

نرجع نستف كل الحبات بعد مارمدتاهم فالجلجلان الابيض ونشعل الفرن مسبقا وندخلهم يطيبو مدة 20د من تحت ثم نشعللهم من فوق يتحمر قليلا ونخرجهم ونجيب عسل يكون بارد والحلوى سخونة

نغطس حبات الحلوى فالعسل ونخليها مدة 20د فالعسل حتى يدخللها العسل مليح ثم نصفيها ونخليها تقطر مليح ثم نجيب غلوكوز وحبات لوز ابيض ونغطس حبة اللوز فالغلوكوز ونحطها فوق حبة القاطو ونزينو بورق ذهب

فالاخير نحط حبات الحلوى فالكيسات ونقدمها في قهوة العصر جات بزاف بنينة ومعسلة