نبدا بسم الله ونحضر العجينة نجيب وعاء نحط فيه الزيدةوالفانيلا وصفار بيضة وحبة بيض كاملة ونخلط بالباتور مليح ونضيف السكر الناعم ونخلط جيدا ونبدا باضافة الفرينة. تدريجيا حتى تتلم العجينة ونغطيها ونخليها ترتاح ثم نجيب مول المهراس ونشكل كرة بالعجين ونحطها فالمول ونبدا مشكل العجينة ونقطع الزوائد فالسكين ونثقبهم

نكمل كامل العجينة ونثقبهم وندخلهم الفرن يطيبو من تحت ثم نشعل لهم من فوق ونخرجهم من الفرن ونقلبهم من المول في سينية اخرى ونخليهم يبردو تماما

الان نحضر الحشو تاعي نجيب كسرونة نحط فيها 2كاس عسل ونحط فيه علبة حلوى الترك ونخلطهم مليحونحطهم عالنار ونبقا نحرك حتى يغلي الخليط

نضيف الى الخليط 2كاس كاوكاو محمص ومرحي متوسط ونخلط حتى يثقال الخليط ونطفي عليه النار وانا كاضافة مني زدت جلجلانية محمصة

بعد ماثقال الخليط وبرد تماما نبدا نعمر المهراس تاعي ونحط كمية مليحة حتى يتعمر المول حتى نكمل كامل الكمية وندهن حواف الحبة بالعسل ونرمدها في كاوكاو خشين

بعد ماعمرت لي مول نجيب كابريس ذوق كرميل ذايبة ونحط م ك فوق الخليط ونزين بورق ذهب وحبة دراجي شكل قلب

بعد ذلك نجيب ترونسفار خاص بالنجاح ونعمرو بالشكولا لي ذوبتها على حمام مائي ونحطو فالمجمد ثم نخرجو ونحبهم ونعمر لي مول تاعي

فالاخير نحط حبة حلوى المهراس فالكيسات ونقدمهم كنوع رابيد من حلويات النجاح