نبدأ بسم الله ونجيب صحن نحط فيه البيض والسكر ونبدا نخفق حتى يبياض الخليط ثم نضيف نصف كاس حليب ونصف علبة ياغورت طبيعي ونواصل الخلط ثم نضيف الزيت ونخلط الكل مليح ثم نبدأ نضيف في الفرينة بالكاس ونخلط

نكمل الكاس الثاني مع كيس خميرة الحلوى نخلط مليح ونكمل نصف كاس ونخلط ثم نجيب مول موسكوتشو ندهنو بالزبدة ونرشو بالفرينة

قبل مانفرغ خليط العجينة في المول نقص كمية نحط فيها كمية من الكرز ونخلطها ثم نفرغ باقي العجينة في المول ونضيف العجينة لي خلطا فيها الكرز من فوق كيما اي مثل في الصورة

نشعل الفرن يسخن وندخل الموسكوتشو نطيب من تحت حتى تطلع مليح وتنشف من داخل ثم نشعللها من فوق تتحمر ونخرجها ونقلبها من المول في صحن دائري

فالاخير نزين الموسكوتشو يقطع صغيرة من مربى الكرز ونسقي الاطراف بالسائل تاعو ونرشها من فوق بسكر ناعم