بسم الله نبدأ ونجيب صحن زجاجي نحط فيه الموطارد والكركم والفلفل الاسود والزنجبيل والملح وسنات ثوم مرحيين ونخلط ونضيف عصير حبة ليمون ونخلط الماريناد مليح ثم نقوم بتشريح قطع دجاج بالسكين كيما فالصورة ونحطو فالماريناد

نخلط الدجاج مليح ونغطيه لورق شفاف ونخليه يرتاح بعد ذلك نجيب مقلاة نحط فيه م ك زيت ونحطها على نار أقل من المتوسط ونحط قطع الدجاج

نخلي الدجاج مدة 25د ونطل عليه ونجيب هذاك الصحن لي خلطنا فيه الماريناد نصب فيه الماء ونكيل كاس ماء نضيف غالمقلاة فالاول ونخلط مليح ونخليها تطيب حتى ينشف هذاك الماء ثم نرجع نطل عليها ونقلبها عالحهة الاخرة ونكمل باقي الماء اذا حبيت نتحصل على صوص مع الدجاج

بعد ذلك نحضر البطاطا تاعي بعد ماغليتها في ماء وملح نقوم بمعسها بالشوكة فقط ونضيفلها م ك زبدة وجبن طري ونبقا نمعس فيها مليح حتى نتحصل على بيري رطبة بعد ذلك نهز قطع الدجاج من المقلاة بعد ماطابو ونحطها فوق البطاطا تاعي مع كمية من الصلصة وندخلهم الفرن

فالاخير نخرج الطبق تاعي بعد مانحمرلي الدجاج مليح ونفرغ عليه باقي كمية الصوص جات بزااااف بنينة ووصفة صيفية