نبدأ بسم الله ونجيب نصف صدر دجاج نغسلو ونقطعو قطع صغيرة ونحطو في صحن ثم نجيب كسرونة نحط فيها ما ك زيت ونحطها على النار وونحط اللحم ونضيف عليه الملح والكركم والعكري حلو وونقلي ثم نضيف ما ص طماطم مصبرة وم ص موطارد (خردل) ونقلي الكل مليح

بعد ماتقلالي اللحم مليح نضيف كاس ماء ساخن ونغطي ونخليه يطيب ثم نجيب مول يدخل الفرن

نجيب مقلاة نقلي البطاطا تاعي شرائح ثم نحطها في المول ونستفها مليح ثم نبدأ نحضر البيشاميل نجيب كسرونة نحط فيها ما ك زبدة نخليها تذوب ونضيف عليها ما ك فرينة ونخليها تتحمص مليح ثم نبدأ نضيف االحليب حتى نتحصل على خليط ثقيل نطفي النار ونضيفلة جبن مبشور

بعد ذلك نطفي على اللحم بعدما خليت فيه شوي مرق ونجيب مول الفرن نستف البطاطا تاعي كاملة ثم نضيف اللحم فوق البطاطا ثم نصب البيشاميل تاعي ونحط عليها جبن مبشور وندخلهو الفرن يطيب

فالاخير نشعل للقراتان من فوق يتحمر ونخرجو ونقدمو في صحن التقديم جاء بزاااااف بنين نتمنا تجربوه