نبدأ بسم الله ونجيب ريسبسيون نحط حبة بيض والسكر ونخلط مليح بالفووي حتى يبياض الخليط ثم نضيف الزيت ونصف كاس حليب ونواصل الخلط ثم نضيف ما ص قهوة سريعة الذوبان

نبدأ باضافة الكاكاو والفرينة وكيس خميرة الحلوى ونخلط مليح ثم نضيف نصف كاس ماء ساخن عليهم ونخلط مليح

نجيب مول يدخل الفرن ندهنهم بالزبدة ونفرغ الخليط فيهم بكميات متساوية وندخلهم الفرن يطيبو من تحت ثم نشعل لهم من فوق وبعد ذلك نحضر الشاربات تاعي نحط في كسرونة كاس سكر و2م كاس ماء ونخلط ونحطها على النار ونضبفها ما ص قهوة سريعة الذوبان ونخليها تغلي ونحسب 10 دقائق ونطفي النار ونخليها تبرد ونحضر على جنب مكونات الكريمة

نجيب كسرونة نحط فيها نصف لتر حليب والسكر والنشاء والكاكاو ونخلط بارد في بارد ونحطها فوق النار تغلي حتى تثقال ثم نخرج الكيك تاعي من الفرن

بعد ماخرجت الكيك نسقسيه بالشاربات لي طيبها ونرجع الكريمة نحبها من النار ونضيفاها ما ك فانيلا و2م ك زبدة وم ك شوكولاته الطلي ونخلط مليح

نفرغ كمية فوق كل مول وتسويها مليح ونخليها حوالى 10 دقائق ونحط عليها الشوكولا لي نكون ذوبتها على نار قليلة مع 4م ك حليب حتى تذوب مليح ونفرغها فوق طبقة الكريمة وندخلها الثلاجة تبرد

فالاخير نرش فوق كل كيكة الكاكاو ونقدمها جات بزااااف خفيفة وبنينة ذوق هايل فعلا اسم على مسمى كيكة الاحلام