اول شي نبرش البصل يدوي او على الماكنه برش ناعم

بنحط بطنجره كأس الزيت الزيتون والكأس الزيت الثاني ومعلقة السمنه

بنشغل النار وبننزل في البصل قبل ما يحمى الزيت

نطبخ البصل على نار هادئة مع التحريك من وقت لآخر عشان ما يحترق البصل ونتأكد انو ما ضل اشي من مية البصل بياخد شوية وقت بس ينزل اتركيه يبرد عشان تشتغلي فيه

بنعمل العجينة اثناء وجود البصل على النار بجاط بنحط الطحين عليه رشة ملح ومعلقه حبة البركه ومعلقه سمسم وبنعجن الماء طبعاً بالتدريج إلى نحصل على عجينه لينه نوعا ما

بنتركها ترتاح ساعة بنقطعها إلى تسع قطع ونتركها ترتاح شي ربع ساعة

نبدأ في فرد العجينة طبعاً كل رغيف مكون من ثلاث قطع عجين بنفرد العجينة إلى أن نحصل على عجينه شفافه

كل رده بدك تحطي بصل

إلى تحصلي على رغيف هاد الرغيف حطيه على جنب وابدأي في الرغيف الثاني ولكن حطي الرغيف الأول وسط الرغيف الثاني

وكملي نفس الشي واعملي الثالث نفس الطريقه ممكن تعمليه رغيفين وممكن ثلاث

افرديه بالصينية وعلى الفرن بدك تنتبهي عليه ما بياخد وقت كتير

وحمريه وصحتين وعافية وبتقدري تعملي جنبو صينية دجاج بالبصل الجوانح او مثلي صينية بطاطا