اول حاجه هنغسل السمك كويس جداً وانا هنا بفضل اني اخلي البوري مفتوح مش مقفول عشان بكون واثقه انه نضيف وده حسب الرغبة طبعاً لاني في ناس بتفضل انو يكون مقفول

هنغسل السمك كويس اوي وبعد كده هننقعه 10 دقائق في مياه وليمونة ومعلقتين خل

وهنا بقى هنكون بنحضر المكونات الدقه للسمك

راس ثوم 2 ليمونة 4 ملاعق ملح متوسط شطه حسب الرغبة كمون وده طبعاً سر الدقه ومعلقه خل صغيرة

هنشيل السمك من المياه والليمون ونغسله كده غسله بسيطه جداً

هنتبل السمك بالدقه من برا ومن جوه

هنجيب الرده ونعملها من كل اجناب السمكه كويس اوي

بس اهم ملحوظه هنا اني منفضلش نقلب فيه كل شويه لانه حساس جداً وممكن يتهري

اول ما تلقي خد اللون التحفه ده اقلبيه براحه جداً واول ما يتعمل انزلي بشويه دقه عليه من فوق

ملحوظه هنا انا محطتش كمية من الزيت على الصاج ولا حاجه حطيت بالظبط ملعقة زيت على الصاج وتعمل جميل

بيتقدم معاه رز ابيض وسلطه وطحينه