نبدأ بسم الله ونحضر الخضروات تاعي نقطع البطاطا الى قطع صغيرة هيا والفلفل الحلو والحار اما الجريوات نقطعها دوائر ثم نجيب مقلاة نحط فيها ما ك زيت ونحطها على النار ونحط فيها البصل لي قطعتو رقيق ونقص النار ونخليه يذبل تماما حتى يتكرمل وفي مقلاة اخرى نقلي البطاطا ثم الجريوات والفلفل الحلو والحار ونحطهم في صحن

بعد ذلك نبرش حبات الطماطم ونحطها في مقلاة مع سنات ثوم مرحيين ورشة ملح ورشة فلفل اسود ثم نرجع المقلاة الكبيرة نغسلها ونحطها تنشف ثم نحط فيها ما ك زيت ونحطها على النار ونفرغ فيها صلصة الطماطم ونضيف عليها فالاول الجريوات والفلفل الحلو والحار ونخلط بشوي ثم نفرغ البطاطا المقلية على مرتين ونخلط

نجيب مول يدخل الفرن ندهنو بالزبدة ونفرغ فيه خليط الخضروات ونحط عليه جبن طري ومعدنوس مقطع وزيتون اخضر مقطع شرائح ثم نجيب نصف كاس حليب نخلط معاه حبة بيض مليح ونفرغهم فوق الخليط ونحطهم في الفرن يطيبو من تحت ثم نشعلو من فوق ونبرش عليه جبن مبشور ونخرجو

فالاخير شكل للقراتان تاعي جاء بنين وساهل دون لحوم وممكن نطيبوهم في المقلاة فقط دون مانحطو في الفرن