نبدا بسم الله ونغسل البطاطا ونحطها في كسرونة فيها ماء يغلي ونحط البطاطا بعد ماطابت قشرتها ومعستها بشوكة وحطيتها في صحن وضفت عليها ملح وفلفل اسود وعكري حلو وراس الحانوت وسنات ثوم مرحيين وزنجبيل ونضيف المعدنوس مقطع وم ك جبن طري ونخلط الكل مليح مع البطاطا ثم نوجد فرينة فالصحن وشابلير في صحن آخر ونحط حبة بيض في صحن

نأخذ كمية من البطاطا ونكورها ونحط في وسطها كمية قليلة من الجبن ونكورها مليح ثم نحطها فالفرينة ومن الفرينة فالبيض ومن البيض فالشابلير

بعد ماكملت كامل الكمية تاع البطاطا نجيب مقلاة نحطها فيها زيت ونخليها تغلي ثم نبدا نقلي الحبات تاعي بعد ماشكلتهم اقراص كيما فالصورة ونحطهم فوق ورق ماص يمتص الزيت

فالاخير نحطهم في صحن التقديم قدمتهم مع حساء الخضار جاووو بزاف خفاف