إفتح في تطبيق كوكبادالخطوات
- 1
نقطع البطاطس ونسلقها كويس اوي لحد لما نحس انها خلاص هاتتهري مع سنة ملح
- 2
بعد لما البطاطس تتسلق نصفيها كويس من اي ميه فيها
- 3
بعد كده نجيب مصفي سلك أو أي مصفي تسمح للبطاطس أنها تعدي منها وبالايد أو ملعقة ونضغط على البطاطس لحد لما نخلص كل الكميه
- 4
بعد لما نخلص البطاطس وتكون اتهرست كويس ودي اهم خطوه عشان نضمن انها مايكونش فيها أي قطع غير مرغوب فيها ننزل بالبهرات والمرقه والملح حسب الرغبة لان المرقه بدوب وتدي ملوحه
- 5
بعد كده نقلب البطاطس مع البهارات والزبده أو السمنه لحد لما كله يتجانس مع بعضه بعد كده نجيب صاج الفرن وندهنه زيت ونحط فوقه ورق زبدة ونرش حاجه بسيطه جداً من فوق ونبدا نشكل البطاطس على شكل كوره قطع متساوية ونرصها فوق ورق الزبدة مع مراعاة ترك مسافه
- 6
بعد لما نخلص تشكيل البطاطس نقص ورقت زبدة مربع متوسط ونيجي فوق كل كوره ونحط ورقت الزبدة المربعه فوق البطاطس ونجيب كوبايا تكون من تحت مستويه ونضغط بيها عليها بس مش جامد عشان نأخذ الشكل المدور بس اهم حاجه نحاول نخلي الضغطه متساويه يعني مش حتى رقيقه وحته تخينه
- 7
ندخلها الفرن على نار هديه من ١٠ ل٢٠ دقيقه حسب حرارة الفرن ونتابعها لحد لما تتماسك وتأخذ لون ذهبي فاتح
- 8
لو نشفت من الأطراف ولسه الوسط طري نشغل الشوايه حاجه بسيطه لحد لما الوسط يتماسك ويبقى كده تمام
- 9
لما تبرد بطرف سكينه رفيعه ونخلع قطعة قطعة برفق من على ورق الزبدة عشان نحافظ عليها سليمه
- 10
نحطها في طبق التقديم وبالف هنا
- 11
كلمات ذات صلة
وصفات مشابهة
وصفات ننصحك بمشاهدتها
التعليقات