نبدا بسم الله ونقطع البطاطا الى قطع صغيرة نحطها في كسرونة ونحط عليها الماء والملح ونحطها عالنار تغلي بعد الغليان ب10د نطفي علي ونصفيها في كسكاس ونحطها في كسرونة ونحط عليها العكري الحلو والفلفل الاسود والتوابل ونخلط مليح ونضيف 4م ك زيت ونرجع نقطع الفلفل الحلو والبصل

نرجع البطاطا ونحط عليها من الاحسن ثوم بودرة انا مش متوفر عندي حكيت ثوم مرحي ونخلط مليح ونجيب ورق طهي نفرغ عليه البطاطا ونحطها فالفرن نشعللها من تحت حتى تطيب ثم من فوق حتى تتحمر

نرجع لنصف صدر دجاج نقطعو الى قطع صغيرة ونجيب مقلاة نحط فيها 3 م ك زيت ونحطها عالنار ونحط الدجاج ونقليه مليح ثم نضيف عليه الملح والفلفل الاسود والعكري الحلو والكركم ونخلط مليح ثم نضيف عليه م ك موطارد ونخلط ونضيف الخضار البصل والفلفل ونقليهم مليح ونخليهم يطيبو

بعد ذلك نضيف علبة كريمة سائلة او قارورة صغيرة ونخلط مليح ثم نخرج البطاطا من الفرن ونطفي غالدجاح بعد ماثقالت الكريمة

نجيب مول يدخل الفرن نفرغ فيه البطاطا ثم نفرغ الدجاج ونسويه مليح ثم نحط جبن مبشور وندخلها الفرن نشعل لها من تحت ثم من فوق يذوب الجبن

فالاخير نخرج المول من الفرن ونقدمو جاء بزااااف بنين وخايف وسهل التحضير نتمنا تجربوه