العجينة بنخلط كباية اللبن الدافئ مع الخميرة مع السكر مع البيضه والزبدة المذابة ورشة الفانيليا والملح ونقلبهم بالمضرب السلك

ثم نضيف ٣ كوبايات الدقيق بالطوب المعياري بالشكل ده ونعجنهم ٣ دقيقة لحد مالعجينه تفصل من الايد بس بيبقي فيها تلزيقه زي الصورة الأخيرة أنا زودت ملعقة كبيرة دقيق

ونغطيها ونتركها تختمر في مكان دافئ ٤٥ دقيقة
ونجهز خليط الحشو
السكر مع القرفة والكاكاو ونقلب

بعد ما تختمر بنحطها على رخامه مرشوشة بدقيق ونرش العجينة بالدقيق وبنفردها بالنشابه مستطيلة بسمك مثلا سم ونص

وبعدين بنجيب الـ ٥ ملاعق زبدة ونفردهم بالشكل ده

ونحط عليهم خليط الحشو ونرولهم بالشكل ده ونجيب خيط ونقطعهم أنا هنا عملوا معايا ١٣ قطعة ونحطهم في صينية ممسوحة زبدة

ونغطيهم تاني بعد مانحطهم في الصينية ونسبهم يخمروا ثلث ساعة او لحد مايبقوا بالشكل ده ونجيب معلقتين زبدة متسيحه وندهن وشهم

وندخلهم فرن محمي مسبقا على الرف الاوسط درجة حرارة ١٨٠ لمدة ٣٠ دقيقة ونفتح الشوايه عليهم لحد مايحمر الوجه

نعمل التوبينج نخلط الزبدة مع الجبنة الكيري بس تكون في درجة حرارة الغرفه واللبن ونقلبهم كويس لحد ما نبقى كريمي ثم نضيف السكر واللبن البودرة علشان ميكتلش الصوص

بعد ما تخرج من الفرن نسبها ترتاح نص ساعة ونحط الصوص عليها بتبقي فلافي جداً ومورقه بشكل غير طبيعي ومظبوطة جداً والله وبالهنا والشفا ♥️♥️