نبدا بسم الله ونحضر أولا الشاربات نحط في كسرونة كاس ونصف سكر ونضيف عليه 3 كاس ماء ونخلط حتى يذوب السكر وندحطهم عالنار ونحط قشرة برتقال ونحطها عالنار كي تغلي نحسب 10د ونطفي النار نرجع نجيب وعاء واسع نحط فيه 3 بيض ونصف كاس سكر ونبدا نخلط حتى يبياض الخليط ثم نضف 6 م ك زيت و6 مةك زبدة ذايبة وباردة ونواصل الخلط حتى يبياض ونضيف كاس الا ربع حليب

بعد ذلك نوقف الباتور ونضيف الشابلير والفرينة وجوز الهند او كاوكاو مرحي اذا توفر ونخلط ثم نضيف كاس ونصف سميد وكيس ونصف خميرة الحلو. ونخلط مليح ونجيب مول يدخل الفرن ندهن. بالزبدة ونفرغ الخليط ونحطها نطيب في فرن ساخن من قبل حتى تطيب من تحت ثم نشعل لها من فوق

بعد ماطابت البسبوسة وتحمرت من فوق مليح ونخرجها ونفرغ عليها الشاربات الباردة

نقطع البسبوسة الى قطع مربعة ونزينها يجوز الهند