نبدا بسم الله ونقطع حبات البطاطا ونغسلها مليح ونحطها في كسرونة ونغطيها بالماء ونضيف عليه القليل من الملح ونحطها عالنار من جهة اخرى نقطع البصل والثوم والمعدنوس ونجيب مقلاة نحط فيها م ك زيت ونحط البصل نخليه يذبل

نضيف الثوم والمعدنوس المقطع ونقلي مليح ثم نضيف الدجاج المرحي

بعد ماضفت الدجاج نحط عليه الملح والفلفل الاسود والزنجبيل وراس الحانوت ونخليهم يتقلو مليح وعاودت نضيف م اخرى زيت حتى يطيللي الدجاج ثم نرجع البطاطا نصفيها بعد ماطابت في كسكاس

نرجع نضيف البطاطا على الدجاج ونخلط مليح دون مانكسرها ونخليها حوالي 10د ونجيب صحن نحط فيها حبة بيض وكاس حليب واذا توفرت الكريمة السائلة احسن انا أستعملت حليب ونحط كمية مليحة من الجبن المبشور ونخلط نجيب مول يدخل الفرن نفرغ فيهم الخليط تاع البطاطا والدجاج

نحط جبن طري فوق الخليط ثم نفرغ خليط البيض والحليب ونخلطو مليح ثم نضيف كمية اخرى من الجبن المبشور وندخلو الفرن ينشف ويذوب الجبن ونخرجو ونقدمو مع خبز جات وصفة خفيفة وسهلة التحضير