اول حاجة نغسلو العيش ونخلوه يقطر ومبعد نفوروه
و من جيهة اخرى نحط الكوكوطة وندير فيها الدجاج مع الزيت نقليه شوية ونحط طماطم نكون رحيتها وطماطم معلبة والتوابل والثوم والخضر نقطعها صغيرة ونقلي مليح ومبعد نمرق بالماء ونغلق الكوكوطة

بعد ما نفور العيش نحطو بجيه ومن طيب المرقة لي درناها نفتحو عليها ونضيف حبات العيش والفلفل الحار وشوية سكر والهرماس ونضيف طماطم العلب ايلا لقيتيها ناقصة وخليها طيب حتى يطيبو حبات العيش

بعد ما يطيب ضيفي الدبشة خضراء وسقيها في القصعة الله الله وبالصحة والهناء
(انا قصعتي كبيرة ودرت شوية برك علابيها مقدرتش نسقيها فيها 🤭)