نبدا بسم الله ونجيب ربع صدر دجاج نغسلو ونقطعو مربعات ونجيب كمية اللوبيا ماشطو نغسلها ونحطها على حمام مائي تفور مع رشة ملح ونقطع البصل والثوم

نجيب مقلاة نحط فيها م ك زيت ونحطها عالنار ونحط الدجاج يتقلى ثم نضيف عليه البصل المقطع والثوم المرحي ونحط م ص ملح ونقلي مليح حتى يتكرمل البصل بعد ماتطيب اللوبيا ماشطو نحطها فالمقلاة ونخليها تكمل طياب مع الدجاج

بعد ذلك نضيف حبة طماطم مرحية ونخلي الكل يطيب مليح ومن جهة اخرى نقطع البطاطا الى قطع صغيرة

نجيب مقلاة اخرى نقلي فيها البطاطا ثم نحطها على جنب وبعد ماطابت اللوبيا والدجاج مليح نضيف عليهم البطاطا ونجيب مول يدخل الفرن ندهنو بالزبدة مليح ونفرغ الخليط فيه ونسويه مليح

بعد ذلك نحط جبن طري من فوق ونطيب البيشاميل تاعي نخليها شوي خفيفة ونفرغها مباشرة على الماشطو والدجاج ونحط فوقها جبن مبشور

ندخل الڨراتان تاعي الفرن نشعلو من تحت ثم نشعلو من فوق يذوب الجبن المبشور وتتحمر البيشاميل جاء ڨراتان بزااااف بنين وخفيف