نبدا بسم الله ونحضر العجين نحط في صحن زجاجي كاس حليب دافئ مع كاس ماء دافئ ونحط عليهم م ك سكر وم ك خميرة الخبز ونخلط مليح ثم نضيف الزيت ونواصل الخلط ثم نبدا باضافة الفرينة وم ص ملح وم ص خميرة الحلوى

ونلم العجينة ونحطها تختمر فالثلاجة مدة ربع ساعة

نحضر الحشو تاعي نقطع الدجاج قطع صغيرة ونتبلو بالملخ والزنجبيل وتوابل الشاورما وم ص طماطم مصبرة وم ك خل وفلفل اسود وسنات ثوم اوثوم بودرة اذا توفر ونخلطهم مليح ونخليهم ثم نقطع حبات البطاطا الى قطع صغيرة ونقليها فالزيت ثم نقلي الدجاج تاعي ونحتفظ بيهم على جنب

نرجع العجين بعد مااختمر نهبطلو الخمور ونرش طاولة العمل بالفرينة ونقسم العجينة على 2 كرات ونبدا نحل الكرة الاولى مليح

بعد ذلك نجيب جبن مثلثات وندهنو كيما فالصورة ثم نحط فوق كل قطعة جبن بطاطا مقلية ثم قطع دجاج مقلي ثم فالاخير جبن مبشور ونرجع العجينة الثانية نحلها وقبل مانحط العجين ندهن الفراغات تاعي بالماء ونحط العجينة الثانية فوق الحشو ونغلق مليح

بعد ذلك نجيب جرارة ونقطع الحبات تاعي ونجيب سينية فرن ندهنها بالزيت ونحط الحبات تاعي ثم نجيب حبة البيض نخلطها مليح وندهن الحبات تاعي بالفرشاة

فالاخير ندخل الحبات تاعي الى الفرن لي كنت سخنتو من قبل ونحطها يطيبو من تحت ثم نشعل لهم يتحمرو من فوق ونخرجهم ونحطهم في صحن التقديم

الشكل النهايي للمملحة تاعي جات بزااااف بنينة وخفيفة تقدم مع حساء الخضار