نبدا بسم الله ونقطع البطاطا الى قطع صغيرة اما العجينة فهي نفسها العجينة الموجودة في وصفة مملحات قنبلة فالبنة حطيت الرابط تاعها نبدا نقسم العجين تاعي ال 2 كرات

نجيب مول يدخل الفرن ندهنو بالزبدة ونحط الكرة الاولى ونخلها مليح فالمول ثم نحط صلصلة الطماطم ثم البطاطا المقلية ثم علبة تونة ذوق طماطم ثم الزيتون الاخضر مقطع شرائح ثم جبن قطع ثم نحط كمية مليحة من الجبن المبشور

نجيب الكرة الثانية ونحلها بنفس الطريقة ونحطها فوق الحشو ونسويها مليح ونضغط عليها بالحلال ونقطع الزايد والعجينة نشكلها شرائط كيما فالصورة ونجيب حبة بيض ندهن بيها الخبز تاعي ونزينها بشرائح زيتون وسينوج

ندخل الخبز الفرن المسخن مسبقا ونحطها تطيب من تحت ثم نشعللها من فوق تتحمر ونخرجها من الفرن بعد ماطابت ونحيها من المول ونحطها على طرشونة ونخليها تبرد ونقدمها مع حساء الخضار(الكمية تاع العجينة هي لي بقاتلي من وصفة المملحات)