بيض وبطاطس وسوسيس بالجبنه السايحه
شبه طريقة اشهر المطاعم عندنا في اسكندريه (البان سويسرا) ولكنها مش زيها بس احنا بنحب نجرب كل حاجه في البيت 😋تصلح كوجبه عشاء أو فطار أو غداء
بيض وبطاطس وسوسيس بالجبنه السايحه
شبه طريقة اشهر المطاعم عندنا في اسكندريه (البان سويسرا) ولكنها مش زيها بس احنا بنحب نجرب كل حاجه في البيت 😋تصلح كوجبه عشاء أو فطار أو غداء
إفتح في تطبيق كوكبادالخطوات
- 1
نسلق السوسيس في حله بها ماء ولما يستوي نشوحه في طاسه بها قليل من الزيت لحد ما يتحمر ولما يبرد نقطعه حلقات سميكه ونتركه جانبا
- 2
نقشر البطاطس ونقطعها صوابع وننقعها في ماء وملح وخل لحد ما نحضر صوص الجبنة ونحمرها ونتركها جانبا
- 3
صوص الجبنة بقي
نضع مكعبين الزبدة يادوب يسيحو ننزل بالدقيق ونقلب سريعا حتى يمتزجوا ونننزل باللبن واحنا بنقلب بالمضرب اليدوي ومنشيلش أيدينا خالص كأننا بنعمل بشاميل وننزل بالملح والفلفل والمرق ونقلب يتقل شويه نضيف الجبن الشيدر والتركي والموزيريلا والجبنه المثلثات ونقلب كويس واخيرا نضع صوص الجبنة الشيدر ولو حسينا الصوص تقيل ممكن نزود ربع كوب لبن بس المفروض يكون متوسط مش خفيف اوي ولا تقيل اوي وكده الصوص يبقى جاهز - 4
حمرنا البطاطس والسوسيس
- 5
في طاسه ننزل بيها بملعقه سمنه ونقلي البيض
- 6
نحضر البطاطس والسوسيس والبيض ونضع عليها كبشتين من الصوص
- 7
ويقدم مع العيش الفينو وشرائح الخيار والطماطم وبألف هنا
كلمات ذات صلة
وصفات مشابهة
وصفات ننصحك بمشاهدتها
التعليقات