نبدل بسم الله ونحضر العجينة نجيب ريسبسيون نحط فيها نصف كاس زيت ونحط 2كاس ونصف فرينة ونخلط باصابع اليد فقط ثم نحط السكر والملح وكيس خميرة الحلوى ونخلط ثم نضيف بيضة ونبدا نلم بالماء انا اخذت معي ربع كاس فقط ونلمها في ورق شفاف ونحطها ترتاح

نجيب الخضروات تاعي نفسها مليح ونقصها نجيب مقلاة نحط فيها زيت ونحط البصل فالاول نقليه ثم نبرش كل من الجزر والجريوات ونقطع الفلفل الحلو والحار

نحط الخضروات تاعي عالبصل ثم نقطع ربع صدر دجاج الى قطع رقيقة ونضيفو عالخضروات ثم نحط م ص ملح ونحط فلفل اسود ونحط زيتون اخضر مقطع ونخلي الكل يطيب مليح ثم نضيف حبة طماطم مرحية

نحط سنات ثوم عالخليط ونغطيه ونخليه يطيب ثم نقص حبة بطاطا الى قطع رقيقة ونقليها

بعدذلك نجيب العجينة بعد ما رتاحت ونحلها على ورق طبخ ونحطها في سينية ونطلع الحواشي مليح ثم نفرغ الحشو تاعي غالعجينة ونحط البطاطا المقلية ونفرغ فوقها كريمة الجبن نوزعها على كامل السطح ونشعل الفرن وندخلها تطيب من تحت حتى تتحمر العجينة ونطفي ونشعللها من فوق

فالاخير نخرجها بعد ما تحمرت مليح ونقصها الى مربعات ونقدمها مع حساء الخضار. جات بزااأف بنينة وراقية