نبدا بسم الله ونغسل الشفلور تاعي مليح ثم نقطعو الى وريدات ونحطو يغلي فالماء حتى يطيب ثم نجيب مقلاة نحط فيها م ك زيت ونحطها عالنار ونضيف البصلة المرحية مع سنات ثوم ثم نضيف عليها م ك طماطم مصبرة

بعد ذلك نضيف ربع صدر دجاج مرحي ونحط الملح والفلفل الاسود والعكري حلو ونقلي مليح ونغطي الحشو ونخليه يطيب مليح ونرجع للشفلور نصفيه من الماء في كسكاس

نحكم الشفلور تاعي ونحيلو كامل الرؤوس الزايدة ونخليه وريدات صغار ونجيب مقلاة نحط فيها م ك زبدة وم ك زيت ونحط الشفلور تاعي نسوتيه مع رشة فلفل اسود وسنات ثوم حتى يتبخر كامل الماء منه

نرجع البطاطا نغسلها ونقطعها الى دوائر ونجيب مقلاة نحط فيها زيت ونقلي البطاطا كاملة ونحطها في صحن ونحط بجنبها الشفلور بعد ماسوتيناه

نحضر كريمة الجبن ونجيب مول زجاجي يدخل الفرن نحط كمية من الكريمة ثم نستف البطاطا تاعي ونحط فوق البطاطا الشفلور ونسويه مليح

بعد ذلك نجيب الحشو تاعي ونفرغو فوق الشفلور ونجيب الكريمة المتبقية نغطي بيها كامل السطح ونحط فوقها جبن مبشور وندخل الڨراتان الفرن

فالاخير نخرجو من الفرن ونقدمو مع كسرة خميرة جاء بزاااف بنين وهك لي اولادها ماياكلوش الشفلور ياكلوه بلا مايحسو بيه