نبدا بسم الله ونحضر أولا الكراميل نجيب كسرونة نحط فيها كاس سكر ونحطها على نار هادئة ونخلي حتى يذوب السكر تماما ثم نحط عليه م ك زبدة

نخلط مليح حتى تذوب الزبدة ثم نجيب كاس حليب نحط فيه م ك نشاء ونخلط مليح حتى يذوب النشاء ونخلطو مباشرة على خليط السكر ونبدا نحل فيه حتى يرجع سائل واول غليان نطفي النار علي الكراميل

ثانيا نحضر الكريمة تاعي نجيب ريسبسيون نحط فيها كاس شانتي وكاس ماء بارد جدا ونبدا نطلع مليح

بعد ماطلعت الشانتي نضيف عليها 2علب ياؤورت فلان كرميل ونخلط بالباتور حتى نتحصل على كريمة ثقيلة نحطها فالثلاجة تبرد

نرجع نجيب سينية ونحضر قهوة طايبة في صحن نشمخ فيهها البسكويت تاعي ونحطو مباشرة فالسينية ونستفو مليح ثم نحط الكريمة تاعي ونسويها مليح بالكوبات وندخلها الثلاجة حتى نقطع حبات الموز الى دوائر

نخرج السينية من الثلاجة ونستف شرائح الموز حتى نكمل كامل السينية ثم نجيب الكراميل لي حضرتها قبل ونصبها على الموز ونسويها مليح و ندخلها الثلاجة تبرد

فالاخير نقطع التحلية تاعي الى مربعات ونقدمها