هنقطع البطاطس شرايح والبصل جوليان وكمان هنبشر الطماطم ونحوط عليهم كل التوابل والمكونات وندعكهم كويس مع الفراخ ونحوطهم في صينية في الفرن او في كيس حراري ونتابعها كل شوية لو محتاجه شوية ماء صغيرين

الارز بقى هنغسله كويس ونصفيه
هنضرب البصل والفلفل والجزر في الكبة ناعمين او نقطعهم صغير خالص
و نشوحهم في ملعقة سمنه وشوية زيت لحد ما يدبلوا ننزل عليهم بالبهارات والرز ونقلبهم سوا وننزل بالمية والملح حسب الرغبة ونسوي الرز عادي

الثومية
ملعقة نشا ونص كباية ماء نقلبهم على البارد وبعدين نرفعها على النار ونقلب لحد ما قوامها يتقل وتمسك ونسيبها تبرد
في الخلاط هنحوط كباية زبادي ملعقة مايونيز عصرة ليمون رشة سكر صغيرة ملح حسب الرغبة والنشا وفص ثوم ونضيف الزيت شوية شوية لحد ما القوام يتماسك وتبقى كريمي