نبدأ بسم الله ونجيب ريسبسيون نحط فيه 125غ الزبدة ورشة ملح وم ك سكر ناعم وحبة بيض صغيرة ونخلط مليح بالفوي اليدوي او بالملعقة حتى ترجع كريمة ونبدا نضيف في الفرينة وربع ما ص خميرة الحلوى

نبدل نلم العجينة تاعي حتى نتحصل على عجينة اطرى من تاع الصابلي نلمها ونغطيها بورق شفاف ةندخلها الثلاجة نصف ساعة

نرجع نحضر الكراميل تاعي نحط كاس سكر نخليه يذوب تماما على نار هادئة ثم نحط ما ك زبدة ونخلط مليح ثم نضيف كاس حليب كنت حطيت فيه ما ك نشاء ونخلطو مليح حتى ذاب ونضيفو عالسكر الذائب ونخلط حتى نتحصل على صوص كراميل نطفي عليها ونخليها تبرد

بعد مافاتت نصف ساعة نخرج العجينة ونجيب مول دائري ونحب العجينة على ورق شفاف ونحطها مباشرة فوق المول ونضغط مليح ونحي العجينة الزايدة

نشكل العجينة في المول مليح ونثقبها مليح بالشوكة وباقي العجينة ناكلها تارتولات ونشعل الفرن مسبقا وندخلهم يطيبو من تحت ثم نشعل لهم من فوق

بعد ماطابو نخرجهم ونخليهم يبردو ونحيهم من ليكول ونجيب الكون نقصو شرائح رقيقة ونعمر تارتولات صغار فالاول

بعد ماعمرت الموز في المول نفرغ كمية من الكرميل في المول الصغار والكبير ايضا ونرجع نحضر الڨناش الإقتصادي نحط ربع كاس حليب ونحط 2م ك شانتيه و2م ك زيت ونحطها على النار حتى تغلي

نقطع الشوكولا وكي يبدا الحليب يغلي نحيه من النار ونحط الشوكولا بالحليب والسوداء ونخلط مليح حتى تذوب تماما

نفرغ الڨناش مباشرة على صلصة الكرميل ونسويه مليح وندخلهم الثلاجة. مدة 2 سا حتى يحمد الڨناش مليح ونزينهم

فالاخير التزيين اختياري جات بزااااف بنينة وخفيفة