نبدا بسم الله ونجيب صدر دجاج نقصو مربعات صغار ونحطو في صحن ونضيف عليه م ص موطارد وملح و2 ك زيت ونحط م ص زنجبيل وم ك توابل الشاورما وم ص فلفل اسود ونخلط مليح ونغطيها ونحطها فالثلاجة مدة ساعة

نرجع نحط رطل بطاطا تغلي فالماء وكي تطيب نقشرها ونجيب لوحة نقطيع ونمعسو البطاطا بالشوكة ونحطها في صحن ونحط عليها وهيا سخونة م ك زبدة ورشة ملح وسنات ثوم مرحيين وم ص فلفل اسود ومعدنوس مقطع ونخلطها مليح و نخليها على جنب

نرجع لدجاح تاعي ونجيب مقلاة ونفرغو فيها ونحطو يطيب على نار هادئة حتى يتحمر ونجيب مول ندهنو بالزبدة

نشكل البطاطا تاعي فالاول كرات ثم نمعسهم كيما فالصورة حتى تكملها كامل ونجيب جبن طري نحط م ك في كل حفرة ونجيب الشاورما بعد ماطابت

نفرغ كمية من الشاورما في كل حفرة فوق الجبن حتى تكملها كامل ونطيب كريمة الجبن تكون خفيفة ونفرغها مباشرة عالغراتان ثم نحط جبن مبشور من فوق وندخلو الفرن يطيب من تحت ثم نشعلو من فوق يتحمر ويذولي الجبن مبشور

الشكل النهائي لغراتان الشاورما جاء بزااااف بنين ومفرمج