نبدا بسم الله ونجيب ربطة سلق نغسلها مليح ونقطعها ثم نرحي حبة طماطم نجيب مقلاة نحط فيها م ك زيت ونحطها عالنار كي يسخن نضيف الطماطم ونحط عليها ثوم شرائح رقيقة

نقص ربع صدر دجاج ونرجع نحط الثوم شرائح الى الطماطم ونحط الملح والفلفل الاسود والتوابل ونقليها مليح ونضيف كاس ماء ونخليها تطيب

نبدا نضيف فالسلق تدريجيا ونخليه يذبل انا حطيت نصف ربطة فقط ونحط بالشوي حتى نكمل كامل السلق ونخليها تطيب ثم نرجع نحضر العجينة في ريسبسيون نحط 2كاس فرينة ونحط السكر والملح وخميرة الخبز

نحط 2م ك زبدة ذايبة ونخلط مليح ونحط 5ع خميرة الحلوى ونخلط ثم نجيب كاس حليب دافئ ونبدا نلم فالعجينة

نتحصل على عجينة نغطيها بورق شفاف ونخليها تختمر ثم نرجع الساق بعد ماطاب تقريبا نحط عليه ربع صدر دجاج مقطع رقيق ونخليه يطيب معاه

نخلي الدجاج يطيب ونرجع نحضر كريمة الجبن نحط م ك زبدة في كسرونة عالنار ونحط سنة ثوم مرحية ونخلط مليح ثم م ك فرينة ونخلطها مليح ثم نبدا نضيف فالحليب تدريجيا ونخلط حتى تبدا تثقال نحط عليه جبن قطع ونخلط مليح ونطفي عليها النار

بعد ماطابت كريمة الجبن نضيف 2م ك على الحشو تاع السلق والدجاج ونرجع العجينة بعد مااختمرت نقسمها على اثنين ونحل العجينة الاولى ثم نحطها فوق ورق طهي فالسينية ونضيف غالعجينة الحشو تاعي نشويه مليح

ثم نحط كمية من الكريمة من فوق الحشو ثم جبن مبشور ونحب الكرة الثانية مليح ونحطها فوق الحشو ونغلق الاطراف مليح ثم نثقبها بسكين ونحط كمية قليلة من كريمة الجبن من فوق ثم جبن مبشور ثم نغلق الاطراف كيما فالصورة وندهنهم بالحليب ثم نرش سينوج عالاطراف ونشعل الفرن يسخن ونحطها تطيب من تحت ثم نشعللعا نطيب من فوق حتى تتحمر مليح ونخرجها ونخليها تبرد

فالاخير هذا شكل الفطيرو تاعي نفسها الى مثلثات جات بزااااف بنينة