نبدا بسم الله ونجيب كسرونة نحط فيها كاس سكر و2 كاس ماء ونحط م ص نسكافي ونخلط ونحطها عالنار حتى تغلي نحسبلها 10د ونطفي عليها ونرجع نجيب ريسبسيون نحط حبة بيض وكاس سكر ونخلط مليح بالفوي حتى يذوب السكر ويصبح الخليط ابيض ونحط عليه ربع كاس زيت ونواصل الخلط

ثم نضيف 2 م ك كاكاو بني ونخلط مليح ثم نحط كاس فرينة وكيس خميرة الحلوى ونخلط مليح ثم نسخن نصف كاس ماء مليح ونضيفو عالخليط

نخلط مليح ونجيب لي مول يدخل الفرن ونفرغ كمية في كل مول وندخلهم الفرن يطيبو من تحت ثم نشعل لهم من فوق

بعد ماطابت الشربات وبردت تماما ونخرج الكيك تاعي نفرغ عليه الشاربات ونخليها تشرب ثم نرجع نحضر الكريمة نحط نصف لتر حليب ونصف كاس سكر و2كاكاو بني و2م ك نشاء ونخلط بارد في بارد ونحطها عالنار

نبقا نخلط عالنار حتى تثقال الكريمة ونطفي النار ونضيفلها 2 م ك زبدة ونذوبها مليح فيها

نجيب لي مول تاعي بعد ماشربو الشاربات ونفرغ كميات من الكريمة ونسويها مليح و نخليها تبرد ونرجع نجيب علبة شكولا نحطها في كسرونة ونذوبها بالحليب ونخلط ثم نحط م ك شكولا الطلي ونخلط مليح

نفرغ كمية خفيفة في كل مول من الشكولا ونسويها ونحطها فالثلاجة حتى تبرد تماما ونرش عليها كاكاو جات بزاااااف بنينة