نبدا بسم الله ونجيب ريسبسيون نحط فيها كاس حليب دافئ مع نصف كاس ماء دافئ ونضيف عليهم م ك ونصف خميرة الخبز وم ك سكر ونخلط مليح ثم نضيف فالاول كاس فرينة ونخلط مليح ونغطيها ونخليها تختمر 10د

بعد مااختمرت نضيف عليها م ص خل وبياض بيضة و6 م ك زيت ونخلط ونبدا نضيف بعد ذلك فالفرينة وم ك ملح ونبدا نلم فالعحينة

بعد ماتحصلت على عجينة طرية نوعا ما نغطيها بورق شفاف ونخليها تختمر

نرجع نحضر الحشو تاعي نجيب مقلاة نحط فيها م ك زيت ونحطها عالنار ونضيف عليها بصل وسنات ثوم مرحيين ثم نقليها مليح ونضيف 2 حبات طماطم مرحية ونحط ملح وفلفل اسود وعكري حلو وتوابل ونخلط مليح ثم نقطع نصف صدر دجاج الى قطع صغيرة

بعد ماتقلت الطماطم نضيف م ك طماطم مصبرة ونقلي الكل مليح دون إضافة الماء ونرجع نجيب مقلاة اخرى نحط فيها قليل من الزيت ونقلي الدجاج تاعي

بعد مااختمرت العجينة نحطها على سطح العمل نرشو فالفرينة ونهبطلها الخمور ونقسمها الى 4كرات متساوية ونغطيهم بورق شفاف مدة 5 دو

نرجع لسطح العمل ونحل الكرة الاولى رقيقة ثم نحل الكرة الثانية بنفس الطريقة نجيب سينية فرن نحط فيها ورق طهي ونحط العجينة الاولى ونحط نصف كمية الصلصة نحبها مليح غالعجينة

بعد ذلك نحط كمية من الدجاج لي لقيتو قبل ثم جبن طري وزيتون اسود او اخضر ونحط كمية مليحة من جبن مبشور ونجيب العجينة الثانية لي حبيتها ونحطها عالحشو ونحاول نرقق الحواف وندخلهم كيما فالصورة ونجيب كوبات ونشكل اشكال دون مانقطع الصورة توضح كل شي

نجيب صفار بيض نضيفو م ك حليب وندهن سطح الفطيرة ثم نزينها بخطوط من الجبن الطري ثم زيتون اسود او زيتون اخضر شرائح ونشعل الفرن مسبقا وندخلها تطيب من تحت ثم نشعللها من فوق

الشكل النهاية لفطيرو بعد ماخرجتها من الفرن جات فطيرة كاملة من خبز الزيتون وفطيرة محشية وقسمتها الى مربعات جات بزااااف خفيفة وتصلح تقدم في شهر رمضان مع حساء الخضر