نحضر الفارينة نضيف ليها زبدة نكون دوبتها قبل نزيد لها مغرف خميرة خبز ونضيف قرصة ملح ونبسس فرينة مليح بزبدة مبعد نعجن بالماء عادي حتى تتماسك العجينة متكونش يابسة وماتكونش جاريا مبعد نخلي لعجينة ترتاح على الاقل ساعة

في حين ماترتاح لعجينة نخدمو عسل نجيبو كسرونة نحطو فيها اربعة كاؤس سكر على نار قليلة نخلو حتى يبدا يذوب سكر كي يذوب ڨاع سكر نديزلو ثمن كاؤس من لماء نخلوه يغلي حتى يولي عندنا عسل ويتقال شوية نطفو عليه نار

كي تختمر عجينة نضع قليل من مايزينة (نشاء)نفتح عجينة شوية بلحلال مبعد نفتحها بلاباراي نفتحها على اكبر رقم مبعد نفتحها فرقم صغير على رقم لي فتحناها فيه في مرة أولى نواصل في فتح العجينة حتى نتحصل على عجينة رقية مبعد نقطح لعجينة على شكل سيور طوال