نبدا بسم الله ونجيب الكهربائي ثم نضيف الزيت تدريجيا ونخلط ثم نضيف النشاء ونخلط مليح ونضيف م ك معجون المشمش ونخلط مليح

نبدا باضافة الفرينة وخميرة الحلوى ونخلط ونقسم العجينة تاعي الى اثنين الكمية الكبيرة نضيفلها الفرينة ونلمها

العجينة الصغيرة نضيفلها مسحوق الخروب ونلم بالفرينة حتى نتحصل على لون كما فالصورة نعلمو ونحطو في ورق شفاف ونحطو فالمجمد مباشرة ونجيب سينية فرن نحط ورق طهي ونحل العجينة البيضاء مليح

ثم نجيب معجون المشمش ونغطي العجينة مليح ثم نخرج العجينة امن المجمد ونبرشها بالمبشرة الجهة الخشينة ونجيب كمية مليحة من حبيبات الشكولا ونفرغها فوق العجينة السوداء ونشعل الفرن وندخلها تطيب من تحت ثم نشعللها من فوق

بعد ماتطيب نخرجها ونخليها تبرد ونقصها الى مربعات

فالاخير شكل الحلوى تاعي جات بزاااااف خفيفة