إفتح في تطبيق كوكبادالخطوات
- 1
نبدأ بسم الله نغسل الحمام كويس بالماء والليمون واصفيه
- 2
معلقتين كبار من البصل المبشور ليه نص معلقه فلفل اسود واتبل الحمام بيهم كويس من جوه الحمام وتحت الجلد
- 3
في طاسه على النار انزل معلقة سمن كبيره وشويه زيت ولما يسخنوا انزل بالبصل المبشور واقلب فيه لحد ما لونه يبقى كراميل..انزل بالقوانص ومعلقه ص فلفل اسود ونص معلقه قرفه ناعم لو مش متاح انزل بعود قرفه وورق لوري وحبهان واهدي النار واغطي الطاسه
- 4
عشر دقايق اشيل الغطا وانزل بالكبد واغطي لما تستوي انزل بالارز واشوحه كويس وانزل بكوب واحد مايه واظبط ملح واكمل سواه عادي خالص واطفي واسيبه ييرد
المايه نص مقدار الارز - 5
نبدأ بسم الله نحشي الحمام من جوه ومن الرقبة من فوق وتحت الجلد واقفل من تحت بحته كبده او حته قوناصه وندخل الرجلين في فتحة الحمام من تحت وبزياده الأمان انا بقفل الرقبه من فوق بخلة أسنان ومن تحت كمان ومنملاش اوي عشان ميفتحش وقت السوا
- 6
نبدأ بسم الله في حله على النار انزل معلقتين سمنه وشويه زيت يسخنوا انزل ب 4 فصوص حبهان و4 ورق لوري ونص عود قرفه ولومي وانزل بعدها بالبصل يدبل بس من غير اي لون وبعدين التوم والفلفل الحار وطماطميه مكعبات وفلفل الأسود وتقليبه واغطيهم شويه مع بعض عشر دقايق
- 7
بعدين انزل بالماء واظبط الملح واعلى النار اول المايه تدخل في الغليان بييبان من جوانب الحلة اهدي النار خالص وانزل حمامه حمامه انزلهم على ضهرهم والبطن فوق بأمر الله ربع ساعه وبيكون استوي
- 8
اطلعه من الشوربه وادهنه من اللبن (الحليب)
- 9
زيت سخن وانزل الحمام بياخد اللون بسرعه بيكون اللون الجميل ده والارز بيكون بني من جوه
بعد التحمير نشيل الخله انا هنا قولت الحق اصور😄
- 10
للأسف مش بحلق دايما اصور الخطوات معايا اطفال صغيرين وده سبب اني مش بنزل دايما 💔
كلمات ذات صلة
وصفات مشابهة
وصفات ننصحك بمشاهدتها
التعليقات