نبدا بسم الله ونجيب نصف صدر دجاج ونجيب حبة بصل نرحيها ثم نجيب مقلاة نحط فيها م ك زيت وم ك زبدة ونحط البصل يتقلى مليح ثم نضيف عليها نصف صدر دجاج مرحي ونقلي

نحط عاللحم وننضيف الملح وم ص فلفل اسود وم ص زنجبيل وم ص توابل دجاج وم ص ثوم بودرة ونقلي الكل مليح حتى يطيبلي الدجاج ثم نرجع نحضر المرق نجيب طنجرة ضغط نحط فيها البصل وقطعة دجاج ونحط ثوم بودرة وزيت وفلفل اسود وكركم وتوابل دجاج ونقليها مليح ونحط كمية من الزيتون ونقلي جيدا

نمرق بماء ساخن ونغلق غالطتحرة ونخلي المرق يطيب بعد ذلك نجيب حبة بطاطا كبيرة نقطعها شرائح ونقليها

نرجع الحشو نطفي عليه ونقلي البطاطا تاعي ثم نجيب مول الكايك او اي مول آخر وندهنو بالزبدة مليح

نستف البطاطا فالمول دون مانخلي فرغات ثم نرجع الحشو تاع الدجاج نضيفلو 2 حبات بيض وكمية مليحة من الكريمة سائلة ونخلط مليح

نرجع نفرغ الخليط تاع اللحم فوق البطاطا ونضيفل كمية من المعدنوس وندخلو الفرن يطيب ثم نحضر الطبقة 3 نجيب صحن نحط فيه حبة بيض وكمية من الكريمة وكمية مليحة من الجبن طري ونخلط مليح

ندخل المول الفرن يطيب من تحت ثم نشعلو يتحمر من فوق ونخرجو ونفرغ عليه مباشرة الخليط الاخير ونحط كمية مليحة من جبن مبشور ونرجعو الفرن يتحمر من فوق

بعد ماتحمر من فوق نخرجو ونخليه يبرد شويا ونقلبو في صحن ثم نجيب صحن التقديم ونقطعو الى مربعات او مستطيلات ونحط عليه كمية من المرق

فالاخير هذا شكل ڨرتان الثلاث طبقات جاء بزااااف بنين وكانك تاكلي في طاجين الجبن طبق هايل يستاهل تجربوه خصوصا في شهر رمضان يقدم مع كسرة مطلوع